တောင်ကြီးမြို့မှာ မနေ့ညက မိုးသည်းသည်းထန်ထန်ရွာပြီး မြေထိန်းနံရံ နဲ့ အိမ်ပြိုကျလို့ လူ ၅ ဦး သေဆုံး၊ ၃ ဦး ဒဏ်ရာရခဲ့ပါတယ်။
ရှမ်းပြည်နယ်မြို့တော် တောင်ကြီးမြို့ အရှေ့ပင်စင်ရပ် (ကျောင်းကြီးစုရပ်ကွက်၊ ခွာညိုလမ်း) မှာ အောက်တိုဘာ ၁၇ ရက်နေ့ ညနေ ၅ နာရီလောက်က တောင်ကမ်းပါးယံမှာ ကာရံထားတဲ့ အုတ်တံတိုင်း အိမ်ပေါ်ကို ပြိုကျပြီး လူ ၅ ဦး နေရာမှာတင် သေဆုံးခဲ့သလို ဒဏ်ရာရသူ ၃ ဦးကို ဒဏ်ရာရပြီး တောင်ကြီးဆေးရုံကို ပိုဆောင်ထားတယ်လို့ မိသားစုဝင်တဦးက ပြောပါတယ်။
သေဆုံးသူ ၅ ဦးဟာ ညီမဖြစ်သူရဲ့ တနှစ်ပြည့်ဆွမ်းသွပ်ပွဲကိုလာရင်း အိမ်ပိရာမှာ သေဆုံးခဲ့ကြတာလို့ သေဆုံးသူတွေရဲ့ အစ်မကြီး အသက် ၆၇ နှစ်အရွယ် ဒေါ်နန်းနွန်းက ပြောပါတယ်။
သေဆုံးသူတွေထဲမှာ ညီမအရင်း ၃ ဦး၊ မောင်အရင်း ၁ ဦးနဲ့၊ ယောက်မ တော်စပ်သူ တဦး ဖြစ်တယ်လို့ ဒေါ်နွန်းက ပြောပါတယ်။
မြေပြိုမှုမဖြစ်ခင် မိနစ် ၂၀ ခန့် အပြင်ကို ထွက်လာလို့ လွတ်ခဲ့ရသူ ဒေါ်နန်းနွန်းက ပြောပါတယ်။
“ညီမဆုံးသွားတော့ တနှစ်ပြည့်ဆွမ်းသွပ်ဆိုပြီးတော့လာကြတာ မောင်နှမတွေ၊ သူတို့တွေရဲ့ နောက်ဘက်မှာ အုတ်တံတိုင်းကြီး၊ တောင်ကြီးကလည်း မိုးတအားရွာတာ။ အဒေါ် အဲဒီအိမ်ကနေ ထွက်လာတာ မိနစ် ၂၀ လောက်ပဲရှိမယ်၊ အဲဒီမှာ မိုးကြိုးပစ်သံကြားတယ်၊ အသံတော့ကြားတယ် ဘာမှန်းမသိဘူး။ နာရီဝက်လောက်ကြာတော့ ကောင်လေးတယောက် မိုးရေထဲမှာ လာတယ် သူလည်းထိတယ်။ အောက်မှာ လာကြည့်ပါဦးတဲ့၊ အုတ်တံတိုင်းပြိုကျလို့ အိမ်ကလည်း ပြားနေပြီတဲ့၊ လာကယ်ပါဦးဆိုလို့ အဲဒီကောင်လေးကလည်း ပြန်မထနိုင်တော့ဘူး၊ ပြန်မဆင်းနိုင်တော့ဘူး။”
ဆေးရုံမှာ ကလေးတွေကို သွားစောင့်ရှောက်နေတဲ့ အမျိုးသမီးတဦးက ၁၇ နှစ်အရွယ်အမျိုးသမီးငယ်ဟာ လက်ကျိုးသွားပြီး ၁၄ နှစ်အရွယ် ယောက်ျားလေးနဲ့ မိန်းကလေးငယ် ၂ ဦးကတော့ ခြေထောက်မှာ ဒဏ်ရာရသွားတယ်လို့ပြောပါတယ်။
ဒါနဲ့ပတ်သက်ပြီး ရှမ်းပြည်နယ်နဲ့တောင်ကြီမြို့က တာဝန်ရှိသူတွေကို ဆက်သွယ်လို့ မရသေးပါဘူး။
ဓာတ်ပုံ – အိမွန်ကျော်
