အရှေ့တောင်အာရှ အားကစားပြိုင်ပွဲ ဆုတံဆိပ်ရရှိမှုမှာ မြန်မာအသင်းက ရွှေ ၇၄၊ ငွေ ၅၆၊ ကြေး ၇၃ ခု စုစုပေါင်း ၂၀၃ ခုနဲ့ ဒုတိယ ရရှိနေပါတယ်။
ထိုင်းအသင်းက ရွှေ ၉၅၊ ငွေ ၈၉၊ ကြေး ၇၄ ခု စုစုပေါင်း ၂၅၈ ခုနဲ့ ပထမရရှိနေပြီး ဗီယက်နမ်အသင်းက ရွှေ ၆၇၊ ငွေ ၇၄၊ ကြေး ၇၈ ခု စုစုပေါင်း ၂၁၉ ခုနဲ့ တတိယ လိုက်နေပါတယ်။
အင်ဒိုနီးရှားအသင်းကတော့ ရွှေ ၆၃၊ ငွေ ၇၄၊ ကြေး ၉၈ ခု စုစုပေါင်း ၂၃၅ ခုနဲ့ စတုတ္ထ ရရှိနေပါတယ်။
ဆီးဂိမ်းပြိုင်ပွဲကို ၁၉၅၉ ခုနှစ်ကတည်းက စတင်ယှဉ်ပြိုင်ကစားခဲ့ကြတာဖြစ်ပြီး အခုတကြိမ်နဲ့ဆို မြန်မာနိုင်ငံက အိမ်ရှင်အဖြစ် ကျင်းပခဲ့တာ ၃ ကြိမ်ရှိနေပြီ ဖြစ်ပါတယ်။
အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပတဲ့ ၂၀၁၁ ခုနှစ် ၂၆ ကြိမ်မြောက် အရှေ့တောင်အာရှ အားကစားပြိုင်ပွဲမှာတော့ ထိုင်းအသင်းက ဆုတံဆိပ် စုစုပေါင်း ၂၆၆ ခုနဲ့ ဆုအများဆုံးရရှိခဲ့ပြီး မြန်မာကတော့ ဆုတံဆိပ် စုစုပေါင်း ၇၁ ခုနဲ့ နံပါတ် ၈ နေရာသာ ရရှိခဲ့ပါတယ်။